Þjónustukönnun hjúkrunarheimila Sóltúns 2025

Heildaránægja mælist há á Sóltúnsheimilunum og íbúar og aðstandendur upplifa umhyggju og öryggi samkvæmt þjónustukönnun sem félagið lét framkvæma í mars 2025.

Tilgangur þjónustukönnunarinnar er að fá skýrari mynd af því hvar við stöndum og fá innsýn í upplifun og líðan íbúa og aðstandenda til að átta okkur betur á hvar umbóta er helst þörf.

Sóltúnsheimilin hafa gert þjónustukannanir árlega en þetta er í fyrsta sinn sem óháða rannsóknarfyrirtækið Prósent sér um framkvæmdina.

Sóltún þakkar þeim íbúum og aðstandendum sem tóku þátt, upplifun skjólstæðinga okkar skiptir gríðarlega miklu máli og niðurstöðurnar verða nýttar markvisst í umbótavinnu með það að markmiði að auka velsæld íbúa eftir þeirra þörfum.

Helstu niðurstöður má finna í meðfylgjandi skjali.

Þjónustukönnun hjúkrunarheimila Sóltúns 2025Opnast í nýjum glugga

Fyrir hönd Sóltúns,

Ingibjörg Eyþórsdóttir, framkvæmdastjóri hjúkrunar

Jórunn Ólafsdóttir, gæðastjóri