Sóltún kemur að þróun nýs hjúkrunarheimilis í Hafnarfirði

Nýtt hjúkrunarheimili fyrir 99 íbúa rís nú við Hamranes í Hafnarfirði með nýstárlegri byggingaraðferð þar sem fullinnréttuðum stáleiningum er raðað saman á byggingarstað. Framkvæmdir ganga hratt fyrir sig og stefnt er að því að fyrstu íbúar flytji inn næsta vor.

Mikil áhersla hefur verið lögð á að hönnun og skipulag heimilisins taki mið af þörfum íbúa og starfsfólks. Þar hefur Sóltún gegnt mikilvægu hlutverki þar sem framkvæmdaraðilar hafa unnið skipulag hússins í nánu samráði við Sóltún heilbrigðisþjónustu. Markmiðið var að þróa lausn sem nýtist ekki aðeins þessu heimili heldur geti orðið fyrirmynd að uppbyggingu framtíðarhjúkrunarheimila á Íslandi.

Með aðkomu Sóltúns hefur því skapast þekkingargrunnur sem getur stuðlað að skilvirkari hönnun og hraðari uppbyggingu hjúkrunarúrræða í framtíðinni, samhliða því að tryggja að starfsemi og umönnun séu í forgrunni við skipulag nýrra heimila.

Sjá frétt RÚV hérOpnast í nýjum glugga.