Rebekka Ingadóttir nýr forstöðumaður Sóltúns í Reykjavík

Rebekka Ingadóttir hefur verið ráðin forstöðumaður Sóltúns í Reykjavík.

Rebekka kemur frá Hrafnistu þar sem hún var síðast forstöðumaður Hrafnistu Skógarbæjar. Rebekka er hjúkrunarfræðingur að mennt, býr yfir víðtækri reynslu af stjórnun hjúkrunarheimila og kom meðal annars að opnun Hrafnistu í Boðaþingi.

Við erum afar ánægð að fá Rebekku til liðs við okkur. Reynsla hennar mun nýtast vel bæði í daglegu starfi Sóltúns Reykjavík og í þeirri uppbyggingu sem fram undan er. Hún hefur hafið störf.

Hildur Björk Sigurðardóttir, fráfarandi forstöðumaður, hefur látið af störfum. Sóltún þakkar Hildi kærlega fyrir hennar framlag og farsælt samstarf og óskar henni velfarnaðar í framtíðinni.