Eldhús
Sóltún rekur eldhús í Sóltúni 2. Eldhúsið sér íbúum fyrir morgunmat, eftirmiðdagskaffi, kvöldmat og kvöldkaffi. Hádegis- og kvöldverður er útbúinn í eldhúsi Sóltúns og framreiddur til sambýlanna ásamt eftirmiðdagskaffi og kvöldhressingu. Eldhúsið annast ennfremur fæði fyrir starfsfólk og veislur á vegum heimilisins fyrir íbúa og aðstandendur.
Markmið eldhússins eru:
- Að sjá um að íbúar fái fæði eftir óskum og þörfum hvers og eins. Boðið er uppá val um tvo rétti í hádegi a.m.k 1 sinni í viku. Lögð er áhersla á að bjóða val fyrir íbúa í máltíðum.
- Að bjóða fæði sem er hollt, fjölbreytt og næringarríkt og tekur mið af ráðleggingum frá Embætti landlæknis um fæði fyrir aldraða.
- Að sjá um að íbúar fái sérfæði með breyttri áferð eða fæði með breyttri næringarlegri samsetningu sambærilegt og á sjúkrahúsum landsins. Hjúkrunarfræðingar og næringarrekstrarfræðingur vinna saman að úrræðum vegna sérþarfa og óska íbúanna.
- Að sjá um að allar máltíðir dagsins séu fallega frambornar og hitastig á matnum sé í samræmi við kröfur heilbrigðisyfirvalda.
- Að sjá um að starfsfólk Sóltúns fái hollan og fjölbreyttan mat á vægu verði.
- Að veita bestu þjónustu á hverjum tíma.
- Að starfsfólk eldhússins viti hverjar eru skyldur þeirra varðandi þjónustu, gæða- og hollustumál.
Íbúar fá möguleika á að velja milli rétta í hádeginu.
Hagnýtar upplýsingar úr eldhúsi Sóltúns
Opnunartími eldhússins er virka daga frá kl. 7:00 til 18:30 og á helgum og hátíðisdögum frá kl. 8:00 til 18:00.
Yfirmaður eldhússins er Vigdís Stefánsdóttir næringarrekstrarfræðingur, sími 590 6009. Senda má fyrirspurn til eldhússins með því að fylla út reitina hér fyrir neðan.
