Yfirlit
Táknróf Skilgreiningar
Sóltún leitast
við að hafa á að skipa starfsfólki sem býr yfir bestu þekkingu og færni til
starfa á sínu sviði, á hverjum tíma. Starfsfólkið skal búa yfir eiginleikum til
að skapa umhyggjusamt, gefandi og uppbyggjandi andrúmsloft. Með því tekst að
tryggja íbúum Sóltúns bestu mögulegu þjónustu. Í því skyni verður vandað til
ráðningar starfsfólks með ofangreint í huga, með ráðningar samtölum, umsögnum
og athugunar á menntunar- og starfsferli ásamt samskiptahæfni. Við
ráðningu verður lögð áhersla á aðlögun starfsmanna, með sérstöku aðlögunarferli
þar sem leitast verður við að stilla saman strengi þá sem heimilið stendur
fyrir og framlag hins nýja starfsmanns til þjónustunnar. Hugmyndafræði,
markmiðum og leiðum til að ná þeim verður síðan fylgt eftir með reglubundnum
starfsmannasamtölum þar sem starfsmaður og yfirmaður hans fara yfir alla þá
þætti sem máli skipta til að árangri sé náð í þjónustunni við íbúa heimilisins
og þátt hlutaðeigandi starfsmanns í því. Þannig er um að ræða forvarnarstarf,
þar sem leitast er við með skipulögðum hætti að sjá vandamálin fyrir og gera
umbætur áður en þau hafa áhrif á starfsemina. Ennfremur verður lögð áhersla á
að starfsmenn fái reglubundið mat á eigin frammistöðu þar sem áhersla er lögð á
styrkleika þeirra í starfi og hvernig þeir fái notið sín, og á uppbygginlegan
hátt skoðaðir veikleikar í starfi sem taka þarf á og byggja upp. Leitast er við
að upplýsingastreymi sé markvisst og að starfsmenn þekki réttar boðleiðir.
Starfsmannahandbók með lykilupplýsingum verður aðgengileg á hverri
hjúkrunarstöð og á innri veitu: vefur/staff.
Helsti auður
hjúkrunarheimilisins Sóltúns er mannauðurinn. Lykilatriði er að starfsfólki
líði vel í starfi, fái tækifæri til njóta sín og leggja að mörkum til þróunar
þjónustunnar, meginatriði er því að stöðuleiki sé í starfsmannahaldi og
taka vel á móti nýliðum. Starfslýsingar liggja fyrir um öll störf í
Sóltúni, ásamt aðlögunarprógrammi.
Lögð er
áhersla á mikilvægi þess að starfsfólk virði siðareglur starfstétta og trúnað
gagnvart íbúum og aðstandendum.
Fystu kynni
sem starfsmaður fær af vinnustað skiptir miklu máli, bæði fyrir starfsmanninn
og hjúkrunarheimilið. Báðir aðilar hafa ákveðnar væntingar til
samstarfsins sem nauðsynlegt er að samræma. Þess vegna er mikilvægt að aðlögun
starfsmanns heppnist vel.
Það er
mikilvægt að þeir sem eru ráðnir til starfa hjá hjúkrunarheimilinu þekki skráð
og óskráð lög þess. Kynningardagsskrá og starfsaðlögunarprógramm liggur því
fyrir þegar nýliði hefur störf. Henni ber að fylgja eftir með
því að einn starfsmaður (eins konar fóstri) taki að sér að koma starfsmanninum
inn í starfið. Mikilvægt er að sá sem tekur að sér fóstrahlutverkið sé góð
fyrirmynd og hafi náð góðri færni í starfi.
Markmiðið er
að nýliðar fái markvissa og árangursríka aðlögun með því: a) að auðvelda honum
að tileinka sér færni í umönnun íbúa Sóltúns, b) að tryggja að hann fái
tækifæri til að nýta sér sem best þekkingu sína og hæfni, c) að stytta þann
tíma sem þarf til að ná færni og öryggi í starfi og d) að starfsmaður tileinki
sér skráðar og óskárðar reglur Sóltúns og e) að stuðla að starfsánægju.
AÐLÖGUNARFERLI
Um leið og
starfsmaður er ráðinn til starfa fær hann útprentaða dagskrá af starfsaðlögunini,
starfslýsingu, upplýsingar um Sóltún og ýmsa bæklinga og fræðsluefni sem
gefið hefur verið út af Sóltúni. Áður en hann tekur til starfa er honum
úthlutaður leiðbeinandi sem sér um og ber ábyrgð á aðlöguninni. Starfsmaður starfar
með honum eftir í eina viku. Eftir það tekur hann sjálfstæðar vaktir. Aðlögunin
heldur áfram í 4 vikur og ber leiðbeinandi ábyrgð á henni á meðan. Gert er ráð
fyrir viðtali við yfirmann eftir viku, 4 vikur og svo eftir 3 mánuði.
MAT Á STARFSAÐLÖGUN
Aðlögunin er
metin með því að skoða ýmsa mælikvarða sem meta hana. Ákveðið mælitæki er þá
lagt fyrir viðkomandi í lok aðlögunar. Síðan eru niðurstöður skoðaðar og farið
yfir þær. Athugið að aðlögunarprógram getur verið í stöðugri þróun.
Starfsaðlögunarprógramm
Sóltúns byggir á verkefni sem
HEIMILDASKRÁ
Ingunn Björk
Vilhjálmsdóttir og Jóhanna Kristín Gustavsdóttir, 1999. Starfsánægja. Bókaklúbbur
atvinnulífins.
Margrét
Guðmundsdóttir, 1985. Starfsmannastjórnun. Almenna bókafélagið.
Wexley K.N.,
Latham G.P., Third Edition. Developing and training Human Resources in
Organizations.
Einnig voru
fengnar heimildir úr fyrirlestrum og stuðst við fyrri útgáfu á
aðlögunarprógramm frá Sóltúni og Landspítala Háskólasjúkrahúsi.
© Öldungur 04/04/2003