D.1.4.

Gæðastaðall um skráningu hjúkrunar.

Markmið skráningar hjúkrunar er að veita yfirsýn yfir ástand og meðferð íbúa og skapa samfellu í hjúkrunarmeðferð. Samfellan er fengin með markvissri miðlun upplýsinga milli hjúkrunarfræðinga, sjúkraliða og annars samstarfsfólks.

Einnig er markmiðið að skapa grundvöll til að meta gæði þeirrar hjúkrunar sem veitt er, tryggja öryggi íbúa og mynda grunn fyrir kennslu og rannsóknir í hjúkrun.

Staðall.

Helstu upplýsingar um íbúa (sem fram koma í vistunarmati) skulu hafa verið skráðar fyrir komu hans. Grunn upplýsingar hjúkrunar þarf að vera tilbúin tveimur virkum dögum eftir að íbúi flytur í Sóltún. Upplýsingarnar skulu vera full uppfærðar 2 vikum eftir komu. Upplýsingarnar skulu uppfærðar reglulega.

Skrá skal helstu hjúkrunargreiningar fyrir komu íbúans. Hjúkrunarferlið á að vera tilbúið tveimur virkum dögum eftir flutning íbúa og í því skal lýst helstu þörfum hans. Ferlið skal uppfært eftir þörfum og á ávallt að vera rétt við skráningu RAI mats.

Uppbyggingarviðmið.

Alltaf skal vera í gangi kennsla á hjúkrunarskráningarkerfið Sögu. Söguhópur skal vera starfandi og reglulega ber að bjóða upp á námskeið í hjúkrunarferlisgerð.

Þrisvar á ári skal endurskoða hjúkrunarferli hvers íbúa og skal áætla til þess 4 klst. vinnu hjá ábyrgum (primer) hjúkrunarfræðingi. Endurskoðunin skal eiga sér stað fyrir gerð RAI mats. Ný hjúkrunarferli skulu prentuð út og sett í möppur íbúa.

Framkvæmdarviðmið.

Ábyrgur (primer)hjúkrunarfræðingur á að sjá til að staðli sé framfylgt og svo í framhaldi af því mun umsjónarmaður Sögu yfirfara framkvæmdina.

Árangur framkvæmda skal skráður í skorkort.

Árangursmarkmið.

Í upplýsingasöfnun hjúkrunar skulu ávallt vera áreiðanlegar upplýsingar um ástand íbúa og hjúkrunargreiningar skulu lýsa þörfum þeirra hverju sinni.

3.úrg.janúar 2011