C.2.9 Stuðningsteymi Sóltúns

Hlutverk og markmið

Stuðningsteymi Sóltúns sérhæfir sig í að styðja starfsmenn í erfiðum tilfinningarlegum og andlegum málum sem hafa veruleg áhrif á líðan þeirra og/ eða starfsgetu.

Stuðningur og aðstoð við einstakling byggir á virðingu og trúnaðartrausti, þar sem starfsmaður stuðningsteymisins gætir fulls trúnaðar og þagmælsku, sinnir málum af fagmennsku og trúverðugleika og viðheldur hæfni sinni til starfa.

Starfsmaður stuðningsteymisins ber skylda til að mæta einstaklingi á jafnréttisgrundvelli óháð skoðunum hans, trú, þjóðerni litarhætti, kynferði eða kynþætti.

Ef starfsmaður stuðningsteymisins treystir sér ekki, á faglegum grundvelli, til að sinna máli, má hann víkja sæti á meðan tiltekið mál er til umfjöllunar og láta aðra starfsmenn teymisins um að sinna því.

Starfsmaður stuðningsteymis skal gera einstaklingi grein fyrir þagnarskyldu, en undantekning frá þagnarskyldu má einungis gera af brýnni nauðsyn eða samkvæmt lagaboði ef upplýsingarnar kunna að varða ógn eða öryggi við aðra manneskju.

Mál sem teymið tekur til umfjöllunar eru ekki persónutengd og nöfn starfsmanna eru ekki skráð við úrvinnslu þeirra.

Starfsmenn stuðningsteymis Sóltúns

Í stuðningsteymi Sóltúns eru starfandi þrír starfsmenn; hjúkrunarfræðingur, djákni og læknir heimilisins sem er fyrst og fremst til ráðgjafar.

Aðgengi að stuðningsteyminu

Hægt er að leita til stuðningsteymisins í heild eða einstaka starfsmanna þess ýmist munnlega eða skriflega. Einstaklingar og hópar geta sent formlega beiðni til djákna á skrifstofu djákna, 3. hæð eða með tölvupósti á stuðningsteymi.

Erindi eru metin og tekin fyrir eins fljótt og auðið er.

Skylda stuðningsteymisins er fyrst og fremst við þá sem leita til stuðningsteymisins eftir aðstoð eða ráðgjöf vegna erfiðleika eða áfalla sem tengjast starfi og starfsumhverfi.

Einstaklingi sem leitar til stuðningsteymisins er boðið upp á eitt eða fleiri viðtöl, eftir þörfum.

Ef leita þarf út fyrir stuðningteymi eftir faglegum stuðningi mun teymið í samráði við þann sem til þess leitar koma erindi einstaklings í áframhaldandi farveg.

Þegar leitað er til stuðningsteymis vegna samstarfsörðugleika eða álags á hæðum (L-um), stendur starfsfólki viðkomandi hæða til boða einn eða fleiri stuðningfundir með fulltrúum stuðningsteymisins.

Meðferð mála

Frumskylda stuðningsteymis Sóltúns er við þá einstaklinga sem leita til stuðningsteymisins eftir aðstoð eða ráðgjöf sem tengjast erfiðleikum eða áföllum í starfi og/eða starfsumhverfi.

Þegar leitað er til stuðningsteymisins vegna álags eða samstarfsörðugleika á hæðum, stendur starfsfólki viðkomandi hæða til boða einn eða fleiri fundir, eftir þörfum, með aðilum stuðningsteymisins.

Mál sem stuðningsteymið tekur til umfjöllunar eru ekki persónutengd og nöfn starfsmanna eru ekki skráð við úrvinnslu þeirra.

Stuðningsteymið skipa:

Marta Jónsdóttir og Jón Jóhannsson. Ráðgjafi teymisins er Eyjólfur Haraldsson.

Kynnt á starfsfólksfundi 02.04.2004/endurm.2.03.2009

©Öldungur hf.