Fréttir af norrænum fundi 2010

Dagana 11. og 12. júní var árlegur stjórnarfundur norrænna félaga næringarrekstrarfræðinga haldinn á Hjúkrunarheimilinu Sóltúni. Þátttakendur í norræna samstarfinu eru frá Danmörku, Svíþjóð, Noregi og Íslandi. Þetta er í 3ja sinn sem fundurinn er haldinn hér á landi en hann er haldinn til skiptis í löndunum þó aðeins 7. hvert ár á Íslandi. Fundurinn í ár fjallaði um verkefni sem félögin hafa unnið að síðast liðið ár, auk þess sem komið var á framfæri ýmsum hugðarefnum þess lands sem heldur fundinn.

Félag Næringarrekstrarfræðinga var stofnað árið 1965 og hét áður Félag matarfræðinga sem breyttist í Félag Næringarrekstrarfræðinga þegar námið færðist á háskólastig og nýtt starfsheiti var löggilt í október 2006.

Félagar í Félagi Næringarrekstrarfræðinga eru 15 talsins, þeir eru nú flestir einnig félagar í MNÍ Matvæla- og næringafræðifélagi Íslands.

Það er mjög mikilvægt fyrir félagið að vera í nánu samstarfi við norrænu félögin og fylgjast með því mikla starfi sem þau vinna. Í norrænu samstarfi eru tekin upp málefni líðandi stundar frá hverju landi og nýjustu fagupplýsingum komið á framfæri og skipst er á útgefnu efni.

Í ár fékk félagið næringarekstrarfæðingana þær Helen Gray frá IÐUNNI til að segja okkur frá Leonardo verkefninu “Health agents” í samvinnu við Dani, Norðmenn og Portúgali og Heiðu Björgu Hilmisdóttur frá Landspítala til að fjalla um framtíðarsýn stóreldhúsa. Bæði erindin vöktu athygli og mikla umræðu.

Þátttakendur á fundinum voru:

Frá Íslandi : Elín Einarsdóttir, Olga Gunnarsdóttir og Guðný Jónsdóttir

Frá Noregi : Britt Sørø og Arnt Steffensen

Frá Danmörku : Ghita Parry og Mary-Ann Sørensen

Frá Svíþjóð : Karin Lidén og Inger Månson

Næsti fundur stjórna félganna verður í Osló 16. og 17. júní 2011. Á þeim fundi á að ákveða framtíðarsýn og setja markmið fyrir næstu 10 ár fyrir norræna samstarfið.

Fundarmenn ásamt fyrirlesurum þeim Helen Grey og Heiðu Björg Hilmissdóttur

Fulltrúar stjórna Félaga Næringarrekstrarfræðinga á Norðurlöndum