Sýkingavarnir

 

14. september 2020

 

 

27.ágúst 2020

 

11.08.2020




7.8.2020

Takmarkanir á heimsóknum vegna fjölgunar smita í samfélaginu.

 

Einn gestur má heimsækja hvern íbúa daglega. Engar undantekningar eru heimilar frá þeirri reglu.

Gestir mega dvelja góða stund í hvert sinn en æskilegasti heimsóknatíminn er milli kl. 14 og 18 daglega.

Allir gestir skrá sig inn við aðalanddyri með því að skrifa upplýsingar á eyðublað og setja í póstkassann í anddyrinu þ.a. hægt sé að fylgjast með heimsóknum næstu dagana.

Þessar upplýsingar hafa verið sendar til aðstandenda.

 

31.júlí 2020

GILDANDI TAKMARKANIR Í SAMKOMUBANNI

Gildandi takmarkanir

Gildandi takmörkun á samkomum nær frá og með 31. júlí 2020 (kl. 12.00) og gildir til 13. ágúst 2020 (kl. 23.59). Stjórnvöld endurmeta þörf á takmörkuninni eftir því sem efni standa til, þ.e. hvort unnt sé að aflétta henni fyrr eða hvort þörf sé á að framlengja gildistíma hennar. Takmörkun á samkomum tekur til landsins alls.

Eftirfarandi ráðstafanir eru í gildi innanlands til eflingar sóttvarna:

Takmörkun á fjölda einstaklinga sem kemur saman miðist við 100 fullorðna. Börn fædd 2005 eða síðar eru undanskilin.
Hvar sem fólk kemur saman og í allri starfsemi verði viðhöfð sú regla að hafa a.m.k. 2 metra á milli einstaklinga en að sú ráðstöfun verði ekki lengur valfrjáls.
Þar sem ekki er hægt að tryggja 2 metra fjarlægð milli ótengdra einstaklinga með fjöldatakmörkun verði krafist notkunar andlitsgrímu sem hylur nef og munn. Þetta á t.d. við um almenningssamgöngur, þ.m.t. innanlandsflug og farþegaferjur, og starfsemi s.s. hárgreiðslustofur og nuddstofur. Mikilvægt er að hafa í huga að ekki er mælt með almennri grímunotkun á almannafæri og að rök og skítug gríma gerir ekkert gagn og getur aukið sýkingahættu. Jafnframt gerir einnota gríma, sem notuð er oftar en einu sinni, ekkert gagn og getur einnig aukið sýkingarhættu. Hlífðargríma, sem hylur ekki bæði nef og munn eða er höfð á enni eða undir höku, gerir heldur ekkert gagn. Andlitsgrímur sem notaðar eru utan heilbrigðisþjónustu ættu að lágmarki uppfylla kröfur sem fram koma í vinnustofusamþykkt evrópsku staðlasamtakanna CEN.
Vinnustaðir, opinberar byggingar, verslanir og þjónustufyrirtæki sem eru opin almenningi skipuleggi starfsemi sína í samræmi við ofangreint og tryggi að ekki séu fleiri en 100 einstaklingar í sama rými og að í minni rýmum séu ekki fleiri en svo að hægt sé að tryggja 2 metra fjarlægð milli einstaklinga.

Verslanir, opinberar byggingar og þjónustufyrirtæki sem eru opin almenningi þurfa að:

tryggja aðgang að handsótthreinsi fyrir almenning og starfsmenn við innganga og í grennd við yfirborð sem margir snerta s.s. snertiskjái og afgreiðslukassa
sinna vel þrifum og sótthreinsun yfirborða sem margir snerta eins oft og unnt er
minna almenning og starfsmenn á einstaklingssóttvarnir með merkingum og skiltum

Sundlaugar og veitingastaðir þurfa að tryggja að gestir geti haft 2 metra bil á milli sín í öllum rýmum með fjöldatakmörkun í samræmi við stærð hvers rýmis.

Starfsemi sem í eðli sínu felur í sér að gestir noti sameiginlegan búnað s.s. íþróttastarf, líkamsræktarstöðvar, spilakassar og spilasalir geri hlé á starfsemi eða sótthreinsi slíkan búnað milli notenda.

Söfn, skemmtistaðir og aðrir opinberir staðir geri hlé á starfsemi sé ekki hægt að tryggja að farið sé eftir fjöldatakmörkun eða að bil milli ótengdra aðila sé yfir 2 metrum.

Opnunartími skemmti- og vínveitingastaða verði áfram til kl. 23:00.

Aðgerðir á landamærum

Notkun tvöfaldrar sýnatöku, við komu og á degi 4-6 hefur verið útvíkkuð. Allir sem til landsins koma frá áhættusvæðum og dvelja hér 10

daga eða lengur fara í fyrri sýnatöku á landamærum og viðhafa í kjölfarið heimkomusmitgát þar til niðurstaða fæst úr seinni sýnatöku.

Hvað fellur ekki undir samkomubann?

Samkomubannið nær ekki til alþjóðaflugvalla eða alþjóðahafna, flugvéla eða skipa. Hvatt er til öflugra sóttvarnaráðstafana og að rekstraraðilar grípi til ýtrustu ráðstafana til að minnka möguleika á smiti.



AKMARKANIR Á HEIMSÓKNUM VEGNA COVID 19
BREYTINGAR 29.JÚLÍ 2020
Kæru íbúar, starfsmenn og aðstandendur.
Í ljósi breyttra aðstæðna í samfélaginu sl. daga þá hefur verið ákveðið að verða við tilmælum landlæknis um að takmarka heimsóknir til íbúa Sóltúns.
1-2 gestir mega heimsækja hvern íbúa í senn og tilmælum beint til fjölskyldna og annarra aðstandenda um að takmarka daglegar heimsóknir við þennan fjölda. Gestir verða að fara beina leið inn á herbergi íbúa og er ekki heimilt að nýta önnur samverurými á meðan á takmörkunum stendur. Sé viðkomandi íbúi ekki inni í herbergi þarf að biðja starfsmenn um að sækja hann. Gestir eru vinsamlega beðnir að gera það ekki sjálfir.
Við minnum á mikilvægi handspritts og almenns hreinlætis. Spritt er við inngang í húsið og á öllum sambýlum og herbergjum íbúa.
Jafnframt er nú mjög mikilvægt að virða tveggja metra regluna og forðast snertingu við íbúa.
Aðstandendur sem eru í einangrun eða sóttkví, bíða eftir niðurstöðum úr sýnatöku, hafa einkenni flensu eða hafa verið erlendis mega ALLS EKKI koma í heimsókn á Sóltún.
Reglurnar hafa þegar tekið gildi og verða endurskoðaðar eftir þörfum.
Hjúkrunarstjórn Sóltúns



15. júní 2020

Komufarþegar til Íslands eiga frá 15. júní 2020 kost á að fara í sýnatöku á landamærum í stað 14 daga sóttkvíar. Meðan það verður í boði gilda ákveðnar regur á Sóltúni hjúkrunarheimili.

Komufarþegar til Íslands eiga frá 15. júní 2020 kost á að fara í sýnatöku á landamærum í stað 14 daga sóttkvíar. Meðan það verður í boði gilda ákveðnar reglur á Sóltúni hjúkrunarheimili.

Þeim eindregnu tilmælum er beint til gesta að heimsækja ekki ættingja á hjúkrunarheimilinu fyrr en 14 dögum eftir heimkomu erlendis frá.

 

Ef aðstæður eru þannig að heimsókn er metin mikilvæg og að höfðu samráði við Sóltún þá er heimsóknargestur beðinn um að vera með skurðstofugrímu og spritta hendur.

Þetta gildir aðeins að því gefnu að viðkomandi hafi engin einkenni sem geta bent til COVID-19 eða hafi umgengist einstakling með sjúkdóminn á síðustu 14 dögum.


29.maí 2020

Sæl, vel hefur gengið með tilslakanir á heimsóknarbanninu og færi ég íbúum og ættingjum þeirra og starfsfólki kærar þakkir fyrir það. Frá og með sunnudeginum 31. maí verður opið fyrir heimsóknir. Þá þarf ekki lengur að panta tíma. Það eru þó enþá að greinast smit í samfélaginu og því ber að fara með aðgát og viðhalda smitvörnum.

 

Það er mikilvægt að gæta að 2 metra fjarlægð á leið inn og út úr húsinu og koma við sem fæsta snertifleti. Bíða ef fleiri eru að ganga stiga o.s.frv. og fylgja leiðbeiningunum:

 

  • Notið aðalinngang og opnið með raflykli eða hringið bjöllu á þá hæð sem þið ætlið að fara á.

     

  • Munið að þvo og/eða spritta hendur í upphafi heimsóknar og að henni lokinni.

     

  • Notið fljótandi sápu og bréfþurrkur (ekki handsápu eða handklæði íbúans).

     

  • Ekki þarf að halda 2 metra fjarlægð frá ættingja sínum, en haldið 2 metra fjarlægð frá öðrum íbúum og starfsfólki.

     

  • Til þess að virða rétt þeirra íbúa sem vilja takmarka samskipti við aðra sér til verndar, en jafnframt njóta þess að geta verið frammi í borðstofu eða setustofu á heimili sínu eiga heimsóknargestir eingöngu að vera í heimsókn inn á herbergi íbúa. Ekki er heimilt að nýta setustofur og borðstofur sambýla til heimsókna fyrst um sinn. Þeir sem það kjósa geta farið með ættingja sinn út af sambýli og í samkomusal eða út í garð eða svalir.

     

  • Ef nota þarf WC, notið þá aðstöðu hjá íbúanum.

     

  • Ef þarf aðstoð, hringjið þá bjöllu eftir hjálp.

     

  • Íbúum verður áfram heimilt að fara út í garð og í gönguferðir með sínum nánustu, en einnig er heimilt að fara með íbúa út af heimilinu, bílferðir eða heimsóknir, viðburði eða annað. Forðist þó mannmargar samkomur.

     

  • Ættingjar eru hvattir til að hlaða niður í símana sína smitrakningnarappi almannavarna Rakning C-19

 

ATHUGIÐ að gestir mega ekki koma í heimsókn ef þeir:

 

1) eru í sóttkví

2) eru í einangrun (einnig meðan beðið er niðurstöðu úr sýnatöku)

3) hafa verið í einangrun vegna COVID-19 smits og ekki eru liðnir 14 dagar frá útskrift

4) eru með einkenni (kvef, hósta, hita, höfuðverk, beinverki, þreytu, kviðverki, niðurgang o.fl.)

5) eru að koma erlendis frá. Það þurfa að líða amk 2 vikur frá því komið er til landsins þar til komið er í heimsókn í Sóltún

 

 

ATHUGIÐ: Ef smit vegna COVID-19 aukast aftur, eða smit vegna annarra smitsjúkdóma, munu tilslakanir á heimsóknarbanni ganga til baka og reglur verða hertar á ný.

 

 

Anna Birna Jensdóttir

framkvæmdastjóri

 

19.05.2020

Sæl, takk fyrir þolinmæði og góða samvinnu vegna takmarkana á heimsóknum á COVID 19 tímum. Frá og með 25. maí munu heimsóknir heimilaðar í tvær á hvern íbúa þá vikuna, börn yngri en 14 ára geta þá komið í heimsókn, en einungis einn með hverjum fullorðnum gesti.

 

 

  • Það er mikilvægt að gæta að 2 metra fjarlægð á leið inn og út úr húsinu. Bíða ef fleiri eru að ganga stiga o.s.frv. og fylgja leiðbeiningunum:

     

  • Munið að þvo og/eða spritta hendur í upphafi heimsóknar og að henni lokinni.

     

  • Notið fljótandi sápu og bréfþurrkur (ekki handsápu eða handklæði íbúans).

     

  • Notið einnota hanska meðan á heimsókn stendur (ekki henda notuðum hönskum á víðavang).

     

  • Komið við sem minnst af snertiflötum í íbúðinni.

     

  • Ekki þarf að halda 2 metra fjarlægð frá ættingja sínum, en haldið 2 metra fjarlægð frá öðrum íbúum og starfsfólki og forðist snertingu.

     

  • Ekki fara fram á gang, nema þegar komið er og farið gegnum hurð á brunastiga.

     

  • Ef nota þarf WC, notið þá aðstöðu hjá íbúanum.

     

  • Ef þarf aðstoð, hringjið þá bjöllu eftir hjálp. Bíðið við gluggann meðan aðstoðað er. Hringjið bjöllu þegar þið farið.

 

ATHUGIÐ að gestir mega ekki koma í heimsókn ef þeir:

1) eru í sóttkví

2) eru í einangrun (einnig meðan beðið er niðurstöðu úr sýnatöku)

3) hafa verið í einangrun vegna COVID-19 smits og ekki eru liðnir 14 dagar frá útskrift

4) eru með einkenni (kvef, hósta, hita, höfuðverk, beinverki, þreytu, kviðverki, niðurgang o.fl.)

5) ef komið er erlendis frá, þurfa að líða amk 2 vikur áður en komið er í heimsókn í Sóltún

 

 

ATHUGIÐ: Ef smit vegna COVID-19 aukast aftur, eða smit vegna annarra smitsjúkdóma, munu tilslakanir á heimsóknarbanni ganga til baka og reglur verða hertar á ný.

 

Stefnt er að því að vanda heimsóknir eins og frekast er unnt og því er áríðandi að fylgja leiðbeiningum. Frá mánaðarmótum verður heimsóknarbanni aflétt að uppfylltum skilyrðum um liði 1-5, hér að ofan, og ef allt gengur vel.

 

04. maí 2020 

Sæl, þá hefjast heimsóknir samkvæmt skipulagi í dag. Hver heimsóknargestur hefur fengið staðfestan tíma og leiðbeiningar um hvernig eigi að bera sig að. Það eru 12 heimsóknir á dag, þannig að á einni viku ættu allir íbúar að hafa fengið eina heimsókn. Það er mikilvægt að gæta að 2 metra fjarlægð á leið inn og út úr húsinu. Bíða ef fleiri eru að ganga stiga o.s.frv. og fylgja leiðbeiningunum: Munið að þvo og/eða spritta hendur í upphafi heimsóknar og að henni lokinni. • Notið fljótandi sápu og bréfþurrkur (ekki handsápu eða handklæði íbúans). • Notið einnota hanska meðan á heimsókn stendur (ekki henda notuðum hönskum á víðavang). • Komið við sem minnst af snertiflötum í íbúðinni. • Haldið 2 metra fjarlægð og forðist snertingu. • Ekki fara fram á gang, nema þegar komið er og farið gegnum hurð á brunastiga. • Ef nota þarf WC, notið þá aðstöðu hjá íbúanum. • Ef þarf aðstoð, hringjið þá bjöllu eftir hjálp. Bíðið við gluggann meðan aðstoðað er. Ef aðstæður þínar breytast áður en heimsóknartíminn er áætlaður, þá frestast heimsóknin: a. Þú ert í sóttkví b. Þú ert í einangrun eða að bíða eftir niðurstöðu úr sýnatöku c. Þú hefur verið í einangrun og ekki eru liðnir 14 dagar frá útskrift. d. Þú ert með einkenni (kvef, hósta, hita, höfuðverk, beinverki, þreytu, kviðverki, niðurgang o.fl.). Stefnt er að því að vanda heimsóknir eins og frekast er unnt og því er áríðandi að fylgja leiðbeiningum. 

 

6. mars 2020

 

Áríðandi tilkynning til íbúa, ættingja

og starfsfólks hjúkrunarheimilisins Sóltúns

vegna sýkingar af völdum Kórónaveirunnar (COVID-19) á Íslandi

 

Stjórn hjúkrunarheimilisins Sóltúns hefur tekið þá ákvörðun að loka hjúkrunarheimilinu fyrir heimsóknum ættingja og annarra gesta frá og með 6. mars  þar til annað verður formlega tilkynnt.  Er þetta gert að höfðu samráði við Sóttvarnarlækni og Landlækni eftir að Neyðarstigi almannavarna var lýst yfir fyrr í dag. Sóltún hjúkrunarheimili er hér að fylgja eindregnum tilmælum þessara aðila sem eru í framvarðasveit Almannavarna Íslands.

 

Heilsa og velferð íbúanna þarf alltaf að vera í forgangi!

 

Nú er staðfest að smit vegna Kórónaveirunnar hafa borist á milli einstaklinga í þjóðfélaginu. Þar sem íbúar Sóltún hjúkrunarheimilis eru flestir aldraðir og  með ýmsa undirliggjandi sjúkdóma eru þeir í sérstökum áhættuhóp tengt því að veikjast alvarlega af Kórónaveirunni.

Leita þarf allra leiða til að draga úr þeirri hættu að íbúar heimilanna veikist af Kórónaveirunni. Okkur þykir mjög leitt að þurfa að taka svo stóra ákvörðun en þetta er gert með velferð íbúanna okkar í húfi og biðjum við fólk að sýna þessari ákvörðun virðingu og skilning. Það er ljóst að það getur reynst íbúa mjög erfitt að fá ekki heimsóknir frá ættingjum sínum og á sama hátt getur það reynst ættingjum íbúans mjög erfitt að heimsækja hann ekki.  Það er samt nauðsynlegt að grípa til þessarra ráðstafana til að koma í veg fyrir að íbúi veikist af veirunni og eins geta smit borist frá ættingjum eins íbúa til annars íbúa.

Jafnframt verður umferð allra annara gesta en nauðsynlegs starfsfólks á vakt, takmörkuð inn á hjúkrunarheimilið og gerðar hafa verið sérstakar reglur um það. Svo sem birgja með vörur, iðnaðarmenn og aðra sem þurfa að koma inn á heimilin.

Við bendum ykkur á að hafa samband við: Anna Birna Jensdóttir framkvæmdastjóri, tölvupóstfang: annabirna@soltun.is eða vakthafandi hjúkrunarfræðing þar sem ykkar ættingji býr.

Einnig er mikilvægt að þið kynnið ykkur upplýsingar og leiðbeiningar á vef Landlæknisembættisins www.landlaeknir.is Þar eru greinargóðar upplýsingar og leiðbeiningar tengdar stöðu málar, en þær geta breyst frá degi til dags.

 

Sóltún hjúkrunarheimili

Anna Birna Jensdóttir framkvæmdastjóri